پێش 2 هەفتە
186 جار خوێنراوەتەوە
سەرۆكوەزیرانی عێراق: نابێت چەك لە دەرەوەی دامەزراوەكانی دەوڵەت هەبێت
پەیام
سەرۆكوەزیرانی عێراق ڕایگەیاند، بوونی چەك لە دەرەوەی دامەزراوەكانی حكومەت چیتر ڕەوا نییە و ناكرێت عێراق بەوهۆیەوە بخرێتە گۆشەگیرییەوە.
محەمەد شیاع سودانی، سەرۆكوەزیرانی عێراق، رایگەیاند، بە لەبەرچاوگرتنی ئەو دۆخە سەقامگیرەی عێراق، هیچ پاساوێك بۆ بوونی چەك لە دەرەوەی دامەزراوەكانی حكومەت نییە و "ئەركی ئێمەیە نەوەی ئێستا بەرەو ئەم ئایندە گەشاوە ببەین، نەك بەرەو ئایندەی ململانێ و دابەشبوون".
سودانی وتیشی، عێراق ڕووبەڕووی تەحەددای ناوخۆیی و دەرەكی بووەتەوە، كۆمەڵێك پرەنسیپیش هەن كە لێیەوە دەست پێدەكەین، بریتین لە سنوورداركردنی بەكارهێنانی چەك بۆ دەوڵەت و سەروەری یاسا و بەرەنگاربوونەوەی گەندەڵی و ئەوەش بە مانای ئامانجكردنی هیچ لایەن و تاكێك نییە.
سەرۆكوەزیرانی عێراق وتیشی: بە لەبەرچاوگرتنی ئەو دۆخە سەقامگیرە، هیچ پاساوێك بۆ بوونی هیچ چەكێك لە دەرەوەی دامەزراوەكان نییە و دەبێت هۆزەكان پشتیوانی لە سەروەری یاسا و دەسەڵاتی دادوەری بكەن، چونكە ئێمە نامانەوێت عێراق لە وڵاتانی ناوچەكە و جیهان دوور بخرێتەوە و لە گۆشەگیریدا دابنرێت.
لە تۆڕە کۆمەڵایەتیەکان شەیری بکە