15 کاتژمێر پێش ئێستا
102 جار خوێنراوەتەوە
بە تۆمەتی كڕینی كارتی دەنگدەران، كاندیدێكی پەرلەمانی عێراق دەستگیركرا
پەیام
كاندیدێكی هەڵبژاردنی ئەنجوومەنی نوێنەرانی عێراق لەگەڵ چوار لە یاریدەدەرانی، بە تۆمەتی كڕینی كارتی دەنگدەران لە بەرانبەر بەڵێنی دامەزراندن دەستگیر كران.
دەستەی دەستپاكیی فیدراڵی عێراق ڕایگەیاند: كاندیدێكی هەڵبژاردنی ئەنجوومەنی نوێنەرانی عێراق لەگەڵ چوار لە یاریدەدەرانی كە بەڕێوەبەری هەڵمەتی بانگەشەكەشیان لەنێودایە، بە تۆمەتی كڕینی كارتی دەنگدەران لە بەرانبەر بەڵێنی دامەزراندن، دەستگیر كران.
بەپێی ڕاگەیاندنی دەستەكە ئۆپڕاسیۆنی دەستگیركردنەكە دوای لێكۆڵینەوە و بەدواداچوونێكی ورد ئەنجام دراوە، تێیدا، دەستبەسەر كۆمەڵێك وێنەی كارتی هەڵبژاردن و فۆڕمی زانیاری دەنگدەران گیراوە، جگە لە تۆمارگەلێك كە ناوی دەنگدەران، ژمارەی مۆبایل و شوێنی نیشتەجێبوونیانی تێدا بووە، هەروەها، ژمارەیەك ئامێری ئەلیكترۆنی كە لەم پڕۆسەیەدا بەكار هاتوون، دەستیان بەسەردا گیراوە.
ڕاگەیەنراوەكە ئاماژەی بەوەش داوە "هەڵكوتانە سەر بارەگای بانگەشەی كاندیدەكە لە ناوەڕاستی بەغدا ئەنجام دراوە، لە كاتی پشكنیندا، تۆمەتبارێكیش دۆزراوەتەوە كە بەڵگەنامەی هاوشێوەی پێ بووە. دوای لێكۆڵینەوەكان، دادوەری دادگای تاوانەكانی دژەگەندەڵی دوو فەرمانی دەستگیركردنی بۆ كاندیدەكە و یاریدەدەرێكی دەركردووە.
لە تۆڕە کۆمەڵایەتیەکان شەیری بکە