پێش 2 هەفتە
181 جار خوێنراوەتەوە
عێراق.. 535 فەرمانگەی حكومی كارەبایان لە وزەی خۆرەوە بۆ دابین دەكرێت
پەیام
وەزارەتی كارەبای عێراق پڕۆژەی دابینكردنی كارەبای لە وزەی نوێبووەوە لە پێنج پارێزگا دەستپێكردووە، هەروەها راشیگەیاندووە، ژمارەی ئەو باڵەخانە حكومییانەی لە ئێستادا بە وزەی خۆر كار دەكەن لە سەرتاسەری وڵات گەیشتووەتە 535 باڵەخانە.
ئەحمەد موسا عەبادی، وتەبێژی فەرمی وەزارەتی كارەبای عێراق رایگەیاند، ژمارەی ئەو دامەزراوە فەرمییانەی لە وزەی خۆرەوە كارەبا دەستدەخەن گەیشتووەتە 535 دامەزراوە، كە بەسەر قوتابخانە و بانك و نەخۆشخانە و زانكۆ حكومی و ئەهلیەكان و كۆشكی حكومەتدا دابەش كراوە.
هەروەها وتیشی، جگە لە بەغدا پڕۆژەكە لە پارێزگاكانی بەسرە، كەربەلا، بابل، دیالە، ئەنبار دەستیپێكردووە.
ئاماژەی بەوەشكرد، ئەو هەنگاوە دوای بڕیاری ئەنجومەنی وەزیران دێت بۆ دابینكردنی كارەبای فەرمانگە حكومییەكان لە سیستەمی وزەی خۆر لەڕێگەی چەند دەستپێشخەرییەكەوە، كە هەندێكیان لە بانكی ناوەندییەوە و، هەندێكی دیكەشیان بە بودجەی تایبەت لە زانكۆ و بانكە ئەهلییەكان بەرێوەدەچێت.
لە تۆڕە کۆمەڵایەتیەکان شەیری بکە