لە 24 كاتژمێردا زیاترلە چوار هەزار كەس بە ئەلیكترۆنی خۆیان بۆ ئەنجامدانی حەج تۆماركردووە

پەیام

پڕۆسەی تۆماركردنی ناو بۆ فەریزەی حەج بە شێوەی ئەلیكترۆنی دەستی پێكردووە و لە ماوەی 24 كاتژمێری ڕابردووشدا زیاتر لە چوار هەزار كەس ناوی خۆیان تۆمار كردووە.

وەزیری ئەوقاف و كاروباری ئاینی حكومەتی ماوەبەسەرچووی هەرێمی كوردستان ڕایگەیاندووە، لەماوەی 24 كاتژمێری ڕابردوودا چوار هەزار و 101 كەس لە پرۆسەی ناو تۆماركردنی ئەلیكترۆنی بۆ فەریزەی حەجی ساڵی 2026 خۆیان تۆماركردووە و هێشتا پڕۆسەكەش بەردەوامە.

بەپێی ئەوەی وەزارەتی ئەوقاف ڕایگەیاندوە، تەنها لەو ڕێگایەوە بۆ فەریزەی حەج ناو تۆمار دەكرێت و دواتریش بە شێوەی ئەلیكترۆنی ناوەكان ڕادەگەیەنرێت.

بڕیارە پرۆسەکە بۆ ماوەى 40 رۆژ و تاوەکو تا 20ى 9 بەردەوام بێت، دواتر رۆژى ڕۆژى 1ى 10ى 2025 تیروپشک بۆ ناوەکان ئەنجام دەدرێت.

لە ساڵى 2025 دا  پێنج هەزار و 136 کەس لە هەرێمى کوردستانەوە بەمەبەستى ئەنجامدانى فەریزەى حەج سەردانى سعودییەیان کرد.