پێش 2 هەفتە
187 جار خوێنراوەتەوە
بۆ پرسی نەوت و ئاو وەزیری وزەی سوریا بە سەردانێك دێتە بەغداد
پەیام
بڕیارە سبەیەنێ بۆ تاوتوێكردنی دۆسیەی نەوت و ئاو، وەزیری وزەی سوریا، سەردانی بەغداد بکات و لەگەڵ بەرپرسانی عێراق كۆببێتەوە.
یاسین شەریف حوجەیمی، كاربەڕێكەری باڵیۆزخانەی عێراق لە دیمەشق، ڕایگەیاند، بڕیارە سبەی سێشەممە محەمەد بەشیر، وەزیری وزەی سووریا، لەسەر بانگهێشتێكی فەرمیی حەیان عەبدولغەنی، جێگری سەرۆك وەزیران و وەزیری نەوتی عێراق، سەردانی بەغدا بكات.
بەپێی زانیاریەكان ئامانجی سەرەكیی سەردانەكە گفتوگۆكردنە لەبارەی گەیشتن بە ڕێككەوتنێك بۆ گواستنەوەی نەوتی عێراق لە ڕێگەی خاكی سووریاوە بۆ سەر دەریای ناوەڕاست لە ڕێی بەندەری بانیاسەوە.
هەروەها حوجەیمی ڕوونیشی كردەوە وەزیری وزەی سوریا لەگەڵ عەون زیاب، وەزیری سەرچاوەكانی ئاوی عێراقیش كۆ دەبێتەوە، بۆ تاوتوێكردنی پرسی كەمئاوی و دانانی پلانێكی هاوبەش بۆ چارەسەركردنی كێشەی دابەزینی ئاستی ئاوی ڕووباری فورات.
لە تۆڕە کۆمەڵایەتیەکان شەیری بکە