پێش 2 هەفتە
189 جار خوێنراوەتەوە
بەهۆی زیارەتكارانی شیعەوە كارەبا لە ناوەڕاست و باشووری عێراق بڕا
پەیام
كارەبای تەواوی شارەكانی ناوەڕاست و باشووری عێراق بڕا، وەزارەتی كارەباش دەڵێت: هۆكارەكەی بەكارهێنانی زۆری كارەبایە لە كەربەلا و بابل بەهۆی هاتنی گەشتیارانەوە.
چەند كاتژمێرێكە كارەبا لە ناوەڕاست و باشوور عێراق بڕاوە. وەزارەتی كارەبای عێراق ڕایگەیاندووە، زیادبوونی ڕێژەی بەكارهێنانی كارەبا لە كەربەلا و بابل بووە هۆی بڕینی هێڵی گواستنەوەی وزە "مسەیب بابل" كە 400 كەی ڤییە، ئەمەش بووە هۆی كوژانەوەی گشتیی كارەبا.
وەزارەتەكە باسی لەوە كردووە، بەهۆی بەرزبوونەوەی پلەی گەرمی بۆ ڕێژەیەكی پێوانەیی بێپێشینە، هەروەها زیادبوونی خواست لەسەر بەكارهێنانی كارەبا، فشارێكی زۆر كەوتە سەر هێڵەكانی كارەبا لەپارێزگاكانی بابل و كەربەلا كە ملیۆنێك زیارەتكاری چلەی ئیمام حسێنی لێیە. ئەمەش وایكرد بە شێوازی كتوپڕ كارەبا ببڕێت و تەواوی سیستمی كارەبا بكوژێتەوە.
كارەبای عێراق داوای لە هاووڵاتیان كردووە هەستی نەتەوەیی و ڕۆحییان لەم وەزرەدا بەرز بێت، هەروەها زیادەڕۆیی لە بەكارهێنانی كارەبا نەكەن. ڕاشیگەیاندووە، هەنگاو بە هەنگاو كێشەكە چارەسەر دەكەن و كارەبا لە پارێزگاكانی ناوەڕاست و باشووری عێراق دێتەوە.
لە تۆڕە کۆمەڵایەتیەکان شەیری بکە