پێش 2 هەفتە
194 جار خوێنراوەتەوە
ئه‌مڕۆ وه‌زیرێكی سووری سه‌ردانی به‌غدا ده‌كات
بڕیاره ئه‌مڕۆ بۆ تاوتوێكردنی دۆسیه‌ی نه‌وت و ئاو، وه‌زیری وزه‌ی سووریا، سه‌ردانی به‌غدا و له‌گه‌ڵ به‌رپرسانی عێراق كۆببێته‌وه.
یاسین شه‌ریف حوجه‌یمی، كاربه‌ڕێكه‌ری باڵیۆزخانه‌ی عێراق له دیمه‌شق، ڕایگه‌یاند، بڕیاره سێشه‌ممه محه‌مه‌د به‌شیر، وه‌زیری وزه‌ی سووریا، له‌سه‌ر بانگهێشتێكی فه‌رمیی حه‌یان عه‌بدولغه‌نی، جێگری سه‌رۆك وه‌زیران و وه‌زیری نه‌وتی عێراق، سه‌ردانی به‌غدا بكات.
به پێی زانیاریه‌كان ئامانجی سه‌ره‌كیی سه‌ردانه‌كه گفتوگۆكردنه له‌باره‌ی گه‌یشتن به ڕێككه‌وتنێك بۆ گواستنه‌وه‌ی نه‌وتی عێراق له ڕێگه‌ی خاكی سووریاوه بۆ سه‌ر ده‌ریای ناوه‌ڕاست له ڕێی به‌نده‌ری بانیاسه‌وه.
هه‌روه‌ها حوجه‌یمی ڕوونیشی كرده‌وه كه وه‌زیری وزه‌ی سووریا له‌گه‌ڵ عه‌ون زیاب، وه‌زیری سه‌رچاوه‌كانی ئاوی عێراقیش كۆ ده‌بێته‌وه، بۆ تاوتوێكردنی پرسی كه‌مئاوی و دانانی پلانێكی هاوبه‌ش بۆ چاره‌سه‌ركردنی كێشه‌ی دابه‌زینی ئاستی ئاوی ڕووباری فورات.
لە تۆڕە کۆمەڵایەتیەکان شەیری بکە