5 کاتژمێر پێش ئێستا
89 جار خوێنراوەتەوە
ئەنقەرە.. هاکان فیدان و فالح فەیاز کۆبوونەوە
پەیام
لە باڵەخانەی وەزارەتی دەرەوەی توركیا لە ئەنقەرە، هاكان فیدان وەزیری دەرەوەی توركیا لەگەڵ فالح فەیاز سەرۆكی دەستەی حەشدی شەعبی عێراقی كۆبووەوە.
لە ئەژماری وەزارەتی دەرەوەی توركیا لە تۆڕی كۆمەڵایەتی تویتەر و ئین سۆسیالی نێوخۆیی توركیا، تەنیا وێنەیەكی كۆبوونەوەكە بڵاو كراوەتەوە و نووسراوە: وەزیر هاكان فیدان لەگەڵ فالح فەیاز سەرۆكی دەستەی حەشدی شەعبی لە ئەنقەرە كۆبووەوە.
هەرچەندە هیچ وردەكارییەك لەسەر كۆبوونەوەكە نییە، بەڵام كۆبوونەوەی وەزیری دەرەوەی توركیا و سەرۆكی دەستەی حەشدی شەعبی لەكاتێكدایە پڕۆژەیاسای دەستەی حەشدی شەعبیی عێراق كە ئێستا لە ئەنجوومەنی نوێنەرانە ئاڵۆزییەكی زۆری دروست كردووە و بە ئەگەری زۆرە كۆبوونەوەكە پەیوەندیی بەو بابەتەوە هەیە.
بەشێك لەلایەن و گرووپە شیعییەكان داوای تێپەڕاندنی پڕۆژەیاسای حەشدی شەعبی لە ئەنجوومەنی نوێنەران دەكەن لەكاتێكدا خوێندنەوەی یەكەم و دووەمی بۆ كراوە، حكومەت و بەشێك لە لایەنە شیعییەكانی دیكەیش لە هەوڵی دواخستنییدان بۆ خولی داهاتوو، چونكە ئەمریكا بەتووندی دژی پڕۆژەیاساكەیە و بەو هۆیەوە هەڕەشە لە عێراق دەكات.
لە تۆڕە کۆمەڵایەتیەکان شەیری بکە