6 کاتژمێر پێش ئێستا
93 جار خوێنراوەتەوە
لالیگا بە چەند مەرجێک ڕازیبووە بەرشەلۆنە لە یاریگای یۆهان کرویڤ میوانداری ڤالێنسیا بکات
پەیام سپۆڕت - مەڕوان تاڵیب
یەکێتی تۆپی پێی ئیسپانی بە چەند مەرجێک ڕازیبووە یانەی بەرشەلۆنە
لە یاریگای یۆهان کرویڤ میوانداری ڤالێنسیا بکات.
بڕیارە 14ی ئەم مانگە لە هەفتەی چوارەمی لالیگا یانە
کەتەلۆنییەکە پێشوازی لە ڤالێنسیا بکات، بەڵام گرفتی تەواونەبوونی یاریگای کامپنو
کێشەی سەرەکی بوو، چونکە بەرشە نەیدەویست لەوێ بکرێت.
ڕۆژنامەی "موندۆ" ئاشکرای کردووە، ڕێکخراوی
لالیگا ڕازیبوون یارییەکە لەسەر یاریگای هۆهان کرویڤ ئەنجام بدرێت، ئەگەر نەتوانن
لە یاریگای کامپنو میوانداری بکەن.
سەرچاوەکە ئاماژە بەوەش دەکات، لالیگا بە چەند مەرجێک
ڕازیبووە یارییەکە لە یاریگای یۆهان کرویڤ بکرێت، یەکەمیان دانانی کامێرای
"ڤار" و دڵنیابوون لە پەیوەندی فایبەر ئۆپتیک بۆ دوورکەوتنەوە لە ڕووداوەکەی
یارییەکەی ڕایۆ ڤالیکانۆ.
مەرجی دووەمی لالیگا بۆ میوانداریکردن لە یاریگای یوهان
کرویڤ ئەوەیە دەستکاری سیستمی ئاودانی چیمەنی یاریگاکە بکرێت تاکو بە باشترین شێوە
میوانداری ڤالێنسیا بکات.
لە تۆڕە کۆمەڵایەتیەکان شەیری بکە