4 کاتژمێر پێش ئێستا
88 جار خوێنراوەتەوە
ئۆجەلان: داننان بە مافی كورد بەشێوەیەكی یاسایی جەوهەری ئاشتییە
پەیام
ڕێبەری زیندانیكراوی پارتی كرێكارانی كوردستان (پەكەكە) دەڵێت: داننان بە مافی كورد بەشێوەیەكی یاسایی، جەوهەری ئاشتییە و مافی هیواش پێوەرێكی گرنگ و بنەڕەتییە دەبێت دەوڵەتی توركیا جێبەجێی بكات.
عەبدوڵا ئۆجەلان لە نوێترین هەڵوێستیدا كە لەگەڵ تیمی پارێزەرانی لە ئیمرالی دەریبڕیوە باس لەوە دەكات "تا ئێستا كورد لەناو یاسای توركیادا بوونی نەبووە، بەڵكو لە دەرەوەی یاسا جێهێڵدرابوون، بە واتایەكی دیكە كورد بە نەبوو هەژمار كرابوو".
ناوبراو دەشڵێت: ئێستا دەبێت دیموكراسیی بەدی بێت، داننان بە ماف و بوونی كورد بە یاسا جەوهەری ئاشتییە، هەروەها هەموو كەسێك ئەو مافەی هەیە ئازادانە گوزارشت لەخۆی بكات.
ئۆجەلان ڕایشیگەیاندووە: بەو پێیەی مافی هیوا پێوەرێكی بنەڕەتی و گرنگە و كاریگەریی لەسەر هەزاران كەس هەیە، پێویستە توركیا بیگرێتەبەر و جێبەجێی بكات.
لە تۆڕە کۆمەڵایەتیەکان شەیری بکە