4 کاتژمێر پێش ئێستا
269 جار خوێنراوەتەوە
سەرۆكی دەستگیركراوی شارەوانیی ئەستەنبوڵ جارێكی دیكە دادگایی دەكرێت
پەیام
سەرۆكی دەستگیركراوی شارەوانیی ئەستەنبوڵ بە تۆمەتی سیخوڕیكردن جارێكی دیكە دادگایی دەكرێت.
ئەكرەم ئیمام ئۆغڵوو، سەرۆكی گەورە شارەوانیی ئەستەنبوڵ لە مانگی ئاداری ئەمساڵەوە لە زینداندایە، بەپێی میدیاكانی توركیا دادگای ئەو وڵاتە دۆسیەیەكی دیكەی كردووەتەوە دژی ناوبراو و تۆمەتی سیخوڕیكردنی داوەتە پاڵی. ئەمەش كاردانەوەی لەناوخۆی توركیا بەدوای خۆیدا هێناوە و لایەنگرانی ئیمامئۆغڵوو خۆپیشاندانیان كرد.
لایەنگرانی ئیمامئۆغلوو دەڵێن"تۆمەتباریان كرد بە دزی و گەندەڵی و تیرۆر بەڵام هیچ كامیان سوودی نەبوو، ئێستاش تۆمەتباری دەكەن بە سیخوڕی".
ئیمام ئۆغلوو كە بە دیارترین ڕكابەری ڕەجەب تەیب ئەردۆغان دادەنرێت بۆ هەڵبژاردنی سەرۆكایەتیی توركیا كە بڕیارە ساڵی 2028 ئەنجام بدرێت، تۆمەتەكان ڕەت دەكاتەوە، بەرپرسانی پارتی گەلی كۆماری "جەهەپە"ش كە گەورەترین پارتی ئۆپۆزسیۆنی توركیایە پێیان وایە دۆسیە نوێیەكەی دادگا بۆ ئەوەیە كە ڕێگە بگرن لەوەی سەرۆك شارەوانیی ئەستەنبوڵ بتوانێت خۆی بۆ سەرۆكایەتیی توركیا هەڵببژێرێت.
لە تۆڕە کۆمەڵایەتیەکان شەیری بکە