3 کاتژمێر پێش ئێستا
162 جار خوێنراوەتەوە
مامۆستا عه‌لی باپیر: ئێمه ڕاستگۆین و ته‌نها له‌گه‌ڵ ئه‌وانه‌دا ده‌بین كه ڕاستن
په‌یام
کۆمەڵی دادگەریی کوردستان دوا کەرنەڤاڵی بانگەشەی هەڵبژاردنی لە هەولێر سازکرد.
چوارشەممە، شاری هەولێر میوانداری دوا کەرنەڤاڵی سەرخستنی کاندیدانی لیستی ژمارە (٢٨٥)ی کۆمەڵی دادگەریی کوردستانی کرد. ئەم بۆنە جەماوەرییە گەورەیە بە ئامادەبوونی ژمارەیەکی بەرچاو لە جەماوەر و لایەنگرانی کۆمەڵ بەڕێوە چوو.
لە کەرنەڤاڵەکەدا، مامۆستا عەلی باپیر، سەرۆکی کۆمەڵی دادگەریی کوردستان، وتارێکی گرنگی پێشکەش کرد. لە وتارەکەیدا، وێڕای دەستخۆشی لە سەرجەم ئەندامان، کادیران، ئۆرگانەکان و لیژنەکان، کە لێبڕاوانە کاریان کردووە بۆ سەرخستنی لیستی کۆمەڵی دادگەری، جەختی لەسەر پابەندی کۆمەڵی دادگەری و کاندیدەکانی کردەوە بە بەهاکانی ڕاستی و ڕاستگۆیی.
مامۆستا عەلی باپیر ڕایگەیاند: "ئێمە بە پشتیوانی خوا ڕاستین و لەگەڵ ڕاستانداین، لەدوای ڕاستگۆترین مرۆڤەکانیشەوە دەڕۆین کە پێغەمبەرانن (سەڵات و سڵاوی خوایان لەسەر بێت)."
ئەم کەرنەڤاڵە کۆتایی بە بانگەشەی هەڵبژاردنی لیستی کۆمەڵی دادگەریی هێنا، بە ئامانجی بەدەستهێنانی متمانەی دەنگدەران بۆ خزمەتکردنی زیاتری کۆمەڵگا.
لە تۆڕە کۆمەڵایەتیەکان شەیری بکە