بەهۆى بەڕێوەچوونی هەڵبژاردنەکانەوە شەش ڕۆژ لە ناوەندەکانى خوێندن لە هەرێم پشوو دەبێت

پەیام 

وەزیری پەروەردەی هەرێمی کوردستان رایگەیاند، بەبۆنەی بەڕێوەچوونی هەڵبژاردنى پەرلەمانى عێراقەوە، شەش رۆژ لە ناوەندەکانی خوێندن پشوو دەبێت.

ئالان حەمەسەعید، وەزیری پەروەردەی هەرێمی کوردستان راشیگەیاند، لە رۆژی پێنجشەممەوە 6ى 11ى 2025، لە سەرجەم خوێندنگە حکومی و ناحکومییەکان پشوو دەبێت و رۆژی چوارشەممە، 12ـی 11ى 2025، واتە رۆژێک پاش هەڵبژاردنی گشتی، دەوام دەستپێدەکاتەوە. 

ئاماژەی بەوەشکردووە، "داواکارین ئەو ناوەندانەی خوێندن، کە کۆمسیۆن وەک بنکەی دەنگدان بەکاریاندەهێنێت، بەپاکی رادەستیان بکرێتەوە".

رۆژى 11ى 11ى 2025 هەڵبژاردنى پەرلەمانى عێراق بەڕێوەدەچێت و 21 ملیۆن و 404 هەزار و 291 دەنگدەر لەناو عێراقدا مافی دەنگدانیان هەیە.