3 کاتژمێر پێش ئێستا
246 جار خوێنراوەتەوە
دیمەشق: لە بڕیاری ئەنجوومەنی ئاسایش بۆ هەڵگرتنی سزاكانی سەر شەرع خۆشحاڵین
پەیام
دیمەشق پێشوازی لە بڕیارەكەی ئەنجوومەنی ئاسایش بۆ هەڵگرتنی سزاكانی سەر سەرۆكەكەی دەكات و بە پاڵپشتیكردنی سووریا ناوی دەبات.
لە كاردانەوەی بڕیارەكەی دوێنێی ئەنجوومەنی ئاسایشی نێودەوڵەتی بۆ هەڵگرتنی سزاكانی سەر ئەحمەد شەرع سەرۆكی سووریا و ئەنەس خەتاب وەزیری ناوخۆی وڵاتەكە، وەزارەتی دەرەوەی سووریا ڕاگەیەنراوێكی بڵاوی كردەوە و بە ڕەنگدانەوەی یەكگرتووی هەڵوێستی نێودەوڵەتی لە پاڵپشتییكردنی سووریا ناوی برد.
هاوكات وەزارەتەكە خۆشحاڵی بە بڕیارەكە بۆ دەركردنی سەرۆك و وەزیری ناوخۆی سووریا لە لیستی سزا نێودەوڵەتیەكان دەربڕیوە.
هەروەها ئەسعەد شەیبانی وەزیری دەرەوەی وڵاتەكە لە تۆڕی ئێكس پێزانینی وڵاتەكەی بۆ ئەمریكا و وڵاتانی دۆست دەربڕیوە لە پشتویانیان بۆ گەلی سووریا و جەختی لەوە كردووەتەوە لە بوونی كارا و تواناكانیان بۆ لابردنی ئاستەنگەكان و بنیاتنانی داهاتووەكی كراوەتر بۆ كردووە كردووەتەوە.
لای خۆیشیەوە ئیبراهیم عەبەلی نێردەوی سووریا لە نەتەوە یەكگرتووەكان ڕایگەیاندووە، كە بڕیارەكە بەرهەمی پەیوەندییە ئەرێنی و بەردەوامەكانە لەگەڵ سووریا لەماوەی چەند مانگی ڕابردوودا.
شەوی ڕابردوو ئەنجوومەنی ئاسایشی نێودەوڵەتی بە 14 دەنگی بەڵێ و لە كۆی 15 وڵاتی ئەندام لە بەرژەوەندی پرۆژەبڕیارێكی ئەمریكا بۆ هەڵگرتنی سزاكانی سەر هەریەك لە سەرۆك و وەزیری ناوخۆی سووریا دەنگی دا و ناویانی لە لیستی سزا نێودەوڵەتییەكان دەركرد.
لە تۆڕە کۆمەڵایەتیەکان شەیری بکە