3 کاتژمێر پێش ئێستا
320 جار خوێنراوەتەوە
پێچەوانەی ڕێككەوتنەكان، ئیسرائیل چەند ناوچەیەكی لە لوبنان بۆردومانكردەوە
پەیام
سوپای زایۆنی هێرشی بۆ سەر بنكەكانی حزبوڵڵا لە لوبنان دەستپێكرد و چەند بنكەیەكی سەر بە حزبوڵڵایان لە باشووری لوبنان بەئامانج گرتووە.
سوپای داگیركەری زایۆنی بانگەشەی ئەوەی كردووە ئەو خاڵانەی بەئامانجی گرتووە ژێرخان و پێگەی سەربازی بوون و حزبوڵلا بۆ هێرش و ئامانجی جەنگ بەكاری هێناون.
سوپای زایۆنی دەڵێت، سەرەڕای ئەو زنجیرە هێرش و بۆردومانەی كردوونی، هۆشداریی داوەتە دانیشتووانی چەند شارۆچكەیەكی سەر سنووری نێوان لوبنان و فەڵەستینی داگیركراو، كە لە ژێر كۆنترۆڵی قەوارەكەدایە. بۆ ئەوەی ناوچەكانی خۆیان چۆڵ بكەن و دوور بكەون لەو پێگانەی بۆردومان دەكرێن.
بۆردومانی پێگەكانی حزبوڵڵا لەكاتێكدایە ئاگربەست و ڕێككەوتن لە نێوان قەوارەی زایۆنی و لوبناندا هەیە، ئەم بۆردومانانەش پێشێلكردنی ئاشكرای ئەو ڕێككەوتنەن، كە لە كۆتایی ساڵی 2024ـدا واژوو كرا.
لە تۆڕە کۆمەڵایەتیەکان شەیری بکە