دامەزراندنی پێگەیەكی سەربازیی ئەمریکی لە بنكەیەكی ئاسمانی لە دیمەشق ڕەتدەکرێتەوە

پەیام

سەرچاوەیەكی سووری دامەزراندنی پێگەیەكی سەربازیی ئەمریکی لە بنكەیەكی ئاسمانی لە دیمەشق ڕەتدەكاتەوە.

لە لێدوانێكیدا بۆ ئاژانسی هەواڵی فەرمی سووریا سانا، سەرچاوەیەكی بەرپرس لە وەزارەتی دەرەوەی سووریا هەواڵێمی ئاژانسی هەواڵای ڕۆیتەزری ڕەت كردووەتەوە، كە باس لە ئامادەكاری هێزەكانی ئەمریكا بۆ بنیاتنانی بوونی سەربازی لە بنكەیەكی هێزی ئاسمانی لە دیمەشق دەكات.

ئەو بەرپرسیەی وەزارەتی دەرەوە، كە ناوی ئاشكرا نەكراوە ڕأیگەیاندووە، قۆناغی ئێستا گۆڕانكاری بەخۆوە دەبنیێت لە مامەڵەی ئیدارەی ئەمریكا لەگەڵ حكومەتی ناوەندی لە سووریا و خۆی لە پشتیوانی هەوڵەكان بۆ یەكخستنی وڵاتەكە و ڕەتكردنەوەی بانگەشەكانی دابەشكاری دەكات.

ئاماژی بەوەیش كردووە كارەكان بۆ  هێنانی كۆمپانیاكان بۆ دیمەشق بەردەوامی هەیە، ئەوەیش لە چوارچێوەی هەماهەنگی سیاسی و سەربازی و ئابووری هاوبەشدا.

پێشتر ئاژانسی هەواڵی ڕۆیتەرز لە زاری شەش سەرچاوەوە بڵاوی كردبووەوە، كە ئەمریكا ئامادەكاری بۆ دامەزراندنی پێگەیەكی سەربازی لە بنكەیەكی ئاسمانی لە دیمەشق دەكات، ئەوەیش بە مەبەستی چاودێری ڕێكەوتننامەی ئەمنی ئەگەری نێوان سووریا و قەوارەی زایۆنی، بەڵام هیچ وادەیەكی بۆ ناردنی هێزەكان دیاری نەكرد.

جیا لەمانەیش بڕیارە دۆناڵد ترەمپ سەرۆكی ئەمریكا ڕۆژی دووشەممەی داهاتوو لە كۆشكی سپی پێشولازی لە ئەحمەد شەرع سەرۆكی سووریا بكات و كۆبوونەوەیەكی گشتگیر لەگەڵی ئەنجام بدات.