12/11/2025
491 جار خوێنراوەتەوە
چوارچێوەی هەماهەنگی لە ئێستاوە ئامادەكاری بۆ پێكهێنانی حكومەت دەكات
پەیام
چوارچێوەی هەماهەنگی ڕایدەگەیەنێت لە ئێستاوە ئامادەكاری
دەكات بۆ پێكهێنانی حكومەتی نوێی عێراق.
بەپێی هەواڵی میدیاكانی عێراق، چەند سەرچاوەیەكی سیاسی لە
ناو چوارچێوەی هەماهەنگی ئاشكرایان كردووە، لەگەڵ دەركەوتنی دەرەنجامە بەراییەكانی
هەڵبژاردنی پەرلەمان، گرووپ و كەسایەتییەكانی ناو چوارچێوەی هەماهەنگیی شیعەكان دەستیان
بە گفتوگۆ لەبارەی حكومەتی داهاتووی عێراقەوە كردووە.
بەپێی ئەو سەرچاوەیە، چوارچێوەی هەماهەنگی دەیەوێت بەردەوام
بێت لەسەر ئەو ڕێڕەوەی كە گەورەترین هاوپەیمانیی ناو پەرلەمان حكومەت پێك بهێنێت،
هەروەها هاوسەنگیی ناوخۆیی و دەرەكییش بپارێزێت.
هەوڵەكانی چوارچێوەی هەماهەنگی هاوكاتە لەگەڵ زیادبوونی
فشاری خەڵكی عێراق بۆ داوای چاكسازیی ڕیشەیی لە حكومڕانیدا، هێزە شیعەكانیش دەیانەوێت
خۆیان لەگەڵ ئەو داواكارییە بگونجێنن و ڕایانگەیاندووە، حكومەتی خزمەتگوزاریی نیشتیمانی
دروست دەكەن كە ئامانجی دژایەتیی گەندەڵی و ڕووبەڕووبوونەوەی پشكپشكێنەی سیاسی بێت.
لە تۆڕە کۆمەڵایەتیەکان شەیری بکە