تویژینەوەیەك: ململانێ جیهانییەكان پاڵنەری سەرەكیی بە موسوڵمانبوونی بەریتانییەكان بووە

پەیام 
 
تویژینەوەیەكی نوێ دەری دەخات كە ململانێ جیهانییەكان پاڵنەری سەرەكیی بە موسوڵمانبوونی بەریتانییەكان بووە.

بە پێی نوێترین توێژینەوە كە پەیمانگای (کاریگەریی ئیمان لە ژیان)، (ئای ئای ئێف ئێڵ) بڵاوی كردووەتەوە لە نێوان ساڵانی 2023 تا 2024 و جەنگی سەر كەرتی غەززەدا ڕێژەی بوون بە موسوڵمان لە نێوان بەریتانییەكان زیادی كردووە و ئارەزووەكانیشیان بۆ تێگەیشتن لە ئیسلام لە كاتی ململانێكان دژی كۆمەڵگە موسوڵمانەكان و نزیكبوونەوە لێیان زیای كردووە.

توێژینەوەكە لەسەر دوو هەزار و 774 كەس ئەنجام دراوە كە ئاینییان گۆڕیوە، و دەركەوتووە كە 20 لەسەدی ئەوانەی كە بەم دواییانە موسوڵمان بوون كاریگەری ململانێ جیهانییەكانیان لەسەر بووە، هەروەها 18 لەسەدیان پاڵنەریان تەندروستی دەروونی بووە.

تویژینەوەی پەیمانگا بەریتانییەكە ڕوونیشی كردووەتەوە كە ئەوانەی بە تازەیی موسوڵمان دەبن زۆرجار بەدوای ئامانج و مانانی نوێی ڕۆژجیدا دەگەڕێن.

هەر لەو چوارچێوەیەشدا بەپێی دواین سەرژمێری لە بەریتانیا، بۆ یەكەمجار ژماری مەسیحییەكان لە وێڵز و ئینگلتەرا بۆ كەمتر لە نیوە دابەزیوە، بەو پێیەی بۆ 46.2 لەسەد دابەزیوە لەكاتێكدا لە ساڵی 2011 59.3 لەسەد بووە.