2 کاتژمێر پێش ئێستا
64 جار خوێنراوەتەوە
توركیا.. شاندی دەمپارتی و سەرۆكی جەهەپە جەختیان لە پڕۆسەی ئاشتی كردەوە
پەیام
شاندی ئیمڕاڵی و دەمپارتی لەگەڵ سەرۆكی گشتیی جەهەپە كۆبونەوە و جەختیان لە بەردەوامی و سەركەوتنی پرۆسەی ئاشتیی نوێ لە توركیا كردەوە.
ئۆزگور ئۆزەل لە ناوەندی گشتیی جەهەپە لە ئەنقەرە پێشوازیی كرد لە شاندی دەم پارتی كە پێكهاتبوون لە هەریەك لە پەروین بوڵدان، بریكاری سەرۆكی پەرلەمانی توركیا و پەرلەمانتاری دەم پارتی، و میتهات سانجار، پەرلەمانتاری دەم پارتی، وفایك ئۆزگور ئێرۆڵ، پارێزەری دەمپارتی. و بۆ ماوەی كاتژمێر و نیوێك كۆبوونەوە.
دوای كۆبوونەوەكە ئۆزگور ئۆزەل سەركۆنەی ئەو دروشمە دژبەرانەی كرد كە لە یارییەكی تۆپی پێدا دژی پەرلەمانتاری پێشووی توركیا، لەیلا زانا بەرزكرابوونەوە و ڕایگەیاند: ئەو كردەوانە قبوڵ ناكرێن.
هەروەها ئۆزەل جەختی لەسەر پرۆسەی "توركیای بێ تیرۆر" و دیموكراسی كردەوە و، ڕایگەیاند: "ئومێدەوارین ئاشتیی، برایەتیی و دیموكراسیی لە توركیا و سووریا باڵا دەست بێت.
لە بەرامبەردا، پەروین بوڵدان ئاماژەی بەوە كرد كە كۆبوونەوەیەكی بەرهەمداریان ئەنجام داوە و ڕاشیگەیاند: لە وەرچەرخانێكی مێژوویی لەم جۆرەدا، بایەخێكی زۆر بە ڕۆڵی بنیاتنەری جەهەپە دەدەین. پرسی كورد پرسێكی سەروو-سیاسییە و چارەسەر كردنی ئەم پرسە ئەرك و بەرپرسیارێتی هەموومانە".
لە تۆڕە کۆمەڵایەتیەکان شەیری بکە