13 کاتژمێر پێش ئێستا
2020 جار خوێنراوەتەوە
ئێران.. لەخۆپیشاندانەكانی خۆراسان داواكارێكی گشتی و ژمارەیەك پۆلیس كوژران
پەیام
لە خۆپیشاندانەكانی خۆراسانی ئێران داواكارێكی گشتی و ژمارەیەك كارمەندی هێزە ئەمنیەكان كوژران.
ڕەزا بەراتیزادە، سەرۆكی دەسەڵاتی دادی پارێزگای خۆراسانی باكوور بە میدیای فەرمیی ئێرانی ڕاگەیاند: لە خۆپیشاندانەكانی شەوی ڕابردووی شاری ئەسفەرایەن، كە دەكەوێتە باشووری پارێزگای خۆراسان، گرژی و توندوتیژی دروست بووە و عەلی ئەكبەر حسێنزادە، داواكاری گشتیی شارەكە كوژراوە ، كە بۆ بەدواداچوونی مەیدانی لە نێو شار بووە.
وتیشی: كۆمەڵێك ئاژاوەگێڕ كە زۆربەیان خەڵكی دەرەوەی شاری ئەسفەرایەن و پارێزگای خۆراسانی باكوور بوون، ئاگریان لەو خانووە پلاستیكییە بەرداوە كە داواكاری گشتی و هێزەكانی پۆلیس تێیدا بوون و ڕێگەشیان نەداوە تیمەكانی فریاكەوتن یارمەتییان بدەن و ئاماژەی بەوەكرد لە ڕووداوەكەدا داواكاری گشتی و ژمارەیەك پۆلیسیش كوژراون.
لە تۆڕە کۆمەڵایەتیەکان شەیری بکە