09/01/2026
1473 جار خوێنراوەتەوە
سوپای سووریا گەڕەكی شێخ مەقسوودی داخست و قەدەغەی هاتوچۆی ڕاگەیاند
پەیام
سوپای سووریا گەڕەكی شێخ مەقسوودی داخست و قەدەغەی هاتوچۆی تێدا ڕاگەیاند.
دەستەی ئۆپراسیۆنەكانی سووپای سووریا لە ڕێگەی ئاژانسی هەواڵی سووریا "سانا"وە ڕایگەیاند، گەڕەكی شێخ مەقسوود لە حەلەب بووە بە ناوچەیەكی سەربازیی داخراو قەدەغەی تەواوەتی هاتوچۆی بەسەردا لە كاتژمێر شەش و نیوی ئێوارەوە تا كاتێكی نادیار سەپاند.
دەستەی ئۆپراسیۆنەكان ئاماژەی بەوەیش كردووە كە ئامۆژگاری ڕاستەوخۆ بۆ خەڵكی گەڕەكەكە بەمەبەستی دووركەوتنەوە لە دەروازەكان دەرچووە و داویان لێكراوە كە بچنە نهۆمەكانی ژێرەوەی باڵەخانەكان، هەروەها خۆیان بەدوور بگرن لە نزیكبوونەوە لە شوێنی بڵاوبوونەوەی هێزەكانی سووریای دیموكرات (هەسەدە)، ئەوەیش بەهۆی ئەوەی كە ئەگەری هەیە ڕاستەوخۆ بكرێنە ئامانج لەكاتی هێرشەكان.
لە تۆڕە کۆمەڵایەتیەکان شەیری بکە