09/01/2026
679 جار خوێنراوەتەوە
نوێنەری تایبەتی بەریتانیا بۆ سووریا: نامانەوێت چیتر ببینین هاووڵاتیان ببنە قوربانی
پەیام
نوێنەری تایبەتی بەریتانیا بۆ كاروباری سووریا پێشوازی لە ئاگربەستی كاتی لە حەڵەب دەكات و دەڵێت نایانەوێت چی دیكە ببینن هاووڵاتییانی مەدەنی ببنە قوربانی.
ئان سنۆو، نوێنەری تایبەتی بەریتانیا بۆ كاروباری سووریا ڕایگەیاند: پێشوازی لە ئاگربەستی كاتی لە شاری حەڵەب دەكات و هانی هەموو لایەنەكان دەدات بۆ درێژكردنەوەی ئاگربەستەكە، بە ئامانجی ئەوەی هاووڵاتیانی مەدەنی چی دیكە نەبنە قوربانی تووندوتیژییەكان.
نوێنەری تایبەتی بەریتانیا بۆ كاروباری سووریا جەختی كردەوە لەوەی وڵاتەكەی بەردەوام دەبێت لە پاراستنی هاووڵاتیانی مەدەنی و ئاماژەی بە گرنگیی بەردەوام بوونی دیالۆگ كرد بۆ جێبەجێكردنی ڕێككەوتنی 10ی ئادار لەنێوان حكومەتی دیمەشق و هەسەدە.
ئەوە لەكاتێكدایە لەدوای ماوەیەك پێكدادان ئاگربەستی كاتی لە گەڕەكەكانی ئەشرەفیە و شێخ مەقسود لەشاری حەڵەب ڕاگەیەنرا و ئەو هەنگاوە لەلایەن بەریتانیاوە پێشوازی لێكرا.
لە تۆڕە کۆمەڵایەتیەکان شەیری بکە