14 کاتژمێر پێش ئێستا
176 جار خوێنراوەتەوە
نێردەی ئەمریكا: گرەنتیی كشانەوەی ئاشتییانەی هێزەكانی هەسەدە لە حەلەب بكرێت
پەیام
نێردەی تایبەتی ئەمریكا جەخت لە چەسپاندنی ئاگربەست لە حەلەب و گرەنتیكردنی كشانەوەی ئاشتییانەی هێزەكانی سووریای دیموكرات دەكاتەوە.
تۆم باراك، نێردەی تایبەتی ئەمریكا بۆ سووریا لەدیدارێكدا لەگەڵ ئەیمەن سەفدی، وەزیری دەرەوەی ئوردن گفتوگۆیان كرد دەربارەی دواین پێشهاتەكانی سووریا و هاریكاری و هەماهەنگی بەردەوام بۆ پشتیوانی هەوڵەكانی دیمەشق بۆ گرەنتیكردنی ئاسایش و سەروەریی و یەكپارچەیی و سەقامگیری وڵاتەكەی.
هەردوولا جەختیان كردەوە لە پابەندبوونی ئەمریكا و ئوردن بە پشتیوانی هەوڵەكانی چەسپاندنی ئاگربەست و گرەنتیكردنی كشانەوەی ئاشتیانەی هێزەكانی سووریای دیموكرات لە حەلەب و گرەنتیكردنی ئاسایش و پارێزگای لە هەموو هاووڵاتیانی مەدەنی.
تۆم باراك و وەزیری دەرەوەی ئوردن جەختیان كردەوە لە پێویستی دەستبەجێ جێبەجێكردنی ڕێككەوتنی 10ی ئاداری نێوان دیمەشق و هەسەدە و بەردەوام بوونی هەوڵە هاوبەشەكان بۆ جێبەجێكردنی نەخشەڕێگای كۆتایی هاتنی قەیرانی سوەیدا و هێنانەدی سەقامگیری لە باشووری سووریادا.
لە تۆڕە کۆمەڵایەتیەکان شەیری بکە