ڕێكخراوێكی ئەڵمانی: زستان بووەتە هۆی سەختتربوونی دۆخی مرۆیی لە غـ.ەززە

پەیام 

ڕێكخراوێكی ئەڵمانی دەڵێت زستان بووەتە هۆی زیاتر تێكچوونی دۆخی مرۆیی لە غەززە و ئەو یارمەتیە مرۆییانەی دەگات بەشی پێویست نیە.

هیرمان گروە، سەرۆكی ڕێكخراوی خاچی سوری ئەڵمانی لە لێدوانێكدا وتی: وەزری زستان و هاتنی سەرما بووەتە هۆی زیاتر تێكچوونی دۆخی مرۆیی لە غەززە و زیاتر كاریگەری لەسەر منداڵان و كەسانی بەساڵاچوو دروستكردووە.

ئاماژەی بەوەشكرد زۆرێك لە هاوڵاتیانی فەڵەستینی بەهۆی نەخۆشیەوە دەمرن كە دەكرێت چارەسەر بكرێن.

هیرمان گروە، كە پێشتر وەزیری تەندروستی ئەڵمانیا بووە، باسی لەوەكرد هێشتا كەموكوڕیی هەیە لە خۆراكی پێویست و كەلوپەلی پزیشكی و دەرمان و كارەبا و ئاوی خواردنەوە لە غەززە.

ڕوونیكردەوە: هەرچەندە لە دوای ئاگربەستەوە هاتنی یارمەتیەكان بۆ غەززە باشتر بووە، بەڵام بڕی ئەو یارمەتییانەی دەگاتە ناوچەكە بەشی پێویست ناكات و لە ئاستی پێویست و داواكراودا نیە.