2 کاتژمێر پێش ئێستا
47 جار خوێنراوەتەوە
لەبارەى خۆپیشاندانەكانی ئێران لە ئەنجومەنی ئاسایش گرژییەكی توند دروستبوو
پەیام
لە كۆبوونەوەیەكی نائاسایی ئەنجوومەنی ئاسایشی نێودەوڵەتیدا سەبارەت بە خۆپیشاناندانەكانی ئێران، گرژییەكی توند لە نێوان جەمسەرە نێودەوڵەتییەكان دروستبوو. واشنتۆن جەختی لەوە كردەوە، كە هەموو بژاردەیەك بۆ مامەڵەكردن لەگەڵ تاران كراوەیە، لە كاتێكدا تاران ئەمریكای بە "ئاراستەكردنی ئاژاوەكان" تۆمەتبار كرد و ڕووسیاش هۆشداریی لە دەستێوەردانی دەرەكی دا.
مایك واڵتز، نوێنەری ئەمریكا لە نەتەوە یەكگرتووەكان ڕایگەیاند، وڵاتەكەی لە پاڵ "گەلی ئازای ئێراندایە". ئاماژەی بەوەش كرد، كە دۆناڵد ترەمپ ڕوونی كردووەتەوە هەموو بژاردەیەك لەسەر مێزە بۆ وەستاندنی كۆمەڵكوژی.
لە كۆبوونەوەكەدا فەرەنسا و بەریتانیا هەڵوێستێكی توندیان وەرگرت. نوێنەری فەرەنسا داوای ئازادكردنی دەستبەجێی دەستگیركراوان و ڕاگرتنی سزای لەسێدارەدانی كرد. لای خۆشییەوە جێگری نوێنەری بەریتانیا ڕایگەیاند، ئەگەر ئێران ڕێڕەوی خۆی نەگۆڕێت، كۆمەڵەی حەوت (G7) سزای زیاتری بەسەردا دەسەپێنن، وتیشی: "جیهان چاودێری دەكات."
لە تۆڕە کۆمەڵایەتیەکان شەیری بکە