هەناردەی كاڵا لە توركیاوە بۆ عێراق لە ساڵێکدا 12 ملیار دۆلارى تێپەڕاندووە

پەیام 

دەستەی ئاماری توركیا ڕایگەیاند: هەناردەی كاڵا لە توركیا و باكووری كوردستانەوە بۆ عێراق لە ساڵی 2025ـدا زیاتر بووە لە 12 ملیار دۆلار.

دەستەی ئاماری توركیا ئاماژەی بەوەش داوە، عێراق بە كڕینی كاڵا و شمەك و خۆراك بە بەهای 12 ملیار و 380 ملیۆن دۆلار لە ڕیزبەندی پێنجەم گەورەترین وڵاتدا بووە، كە لە توركیاوە كاڵای بۆ هەناردە كراوە. لەپێش عێراقیشەوە ئەڵمانیا و بەریتانیا و ئەمریكا و ئیتاڵیا بۆ كڕینی كاڵا لە توركیا هەن.

دەستەی ئاماری توركیا دەڵێت: زۆرترین كاڵا كە بۆ عێراق هەناردە كراوە، ئاڵتوون و جوانكاری و ئامێری كارەبایی و ئەلكترۆنی و كەلوپەلی ناوماڵ و پلاستیك و دانەوێڵە و میوە بوون.