16/02/2026
287 جار خوێنراوەتەوە
گرێى سەرۆککۆمار نەکراوەتەوە و یەکدەنگى کورد بۆ ئەو پۆستە بە پێویست دەزانرێت
پەیام
گرێى سەرۆککۆمارى عیراق تائێستا نەکراوەتەوە و نوێنەرایەتیی هەرێم لە بەغداد یەکدەنگى کورد بۆ ئەو پۆستە بە پێویست دەزانێت.
فارس عیسا، سەرۆکی نوێنەرایەتیی حکومەتی هەرێمی کوردستان لە بەغداد یەکدەنگیی کورد بۆ هەڵبژاردنی سەرۆککۆماری عێراق بە پێویست دەزانێت.
پارتی دیموکراتی کوردستان و یەکێتیی نیشتمانیی کوردستان هێشتا لەسەر کاندیدێکى هاوبەش بۆ پۆستی سەرۆککۆمار رێکنەکەوتوون، لەو بارەیەشەوە فارس عیسا ئاماژەى بەوەکرد، ''سەرۆککۆمار پشکی کوردە و بێگومان پێویستە هەموو کورد لەسەر کاندیدێکى هاوبەش رێکبکەون کە لە بەغدا نوێنەرایەتیی خەڵکی کوردستان بکات''.
بۆ پۆستى سەرۆککۆمارى عێراق 19 کاندید خۆیان هەڵبژاردووە کە دیارترینیان موسەنا ئەمین کاندیدى هەڵوێست و کۆمەڵ و یەکگرتوو، فوئاد حوسێن، کاندیدى پارتی و نزار ئامێدی، کاندیدى یەکێتییە.
لە تۆڕە کۆمەڵایەتیەکان شەیری بکە