1 کاتژمێر پێش ئێستا
146 جار خوێنراوەتەوە
چوار سەرباز لە باشووری لوبنان کوژران
پەیام
سوپای ئیسرائیل کوژرانی ٤ سەربازی دیکەی لە باشووری لوبنان ڕاگەیاند، بەمەش ژمارەی کوژراوانیان گەیشتە ١٠ سەرباز، هاوکات ئۆپەراسیۆنە زەمینییەکان دژی ژێرخانی حزبوڵڵا بە قوڵایی ٨ کیلۆمەتر لەناو خاکی ئەو وڵاتەدا بەردەوامە.
بەیانی ئەمڕۆ سێشەممە کوژرانی ٤ سەربازی دیکەی ئیسڕائیل پشتڕاستکرایەوە. سوپای ئیسرائیل ناوی ٣ لەو سەربازانەی بڵاوکردەوە لەگەڵ ئاماژەدان بە کوژرانی سەربازێکی چوارەم و هەروەها سەربازێکی دیکە بە سەختی و یەکێکی تریش بە سوکی برینداربوون، ئەمەش کۆی ئاماری کوژراوانی سوپای ئیسرائیلی لەم جەنگەدا بۆ ١٠ سەرباز بەرزکردەوە.
هێزەکانی ئیسرائیل بە پاڵپشتی هێرشی ئاسمانیی چڕ، بەردەوامن لە پێشڕەوییەکانیان بۆ تێکشکاندنی ژێرخانی سەربازیی حزبوڵڵا.
هەروەها میشێل مەنسا، وەزیری بەرگری لوبنان، ئاماژەی بەوە کردووە کە هێزەکانی ئیسرائیل تا ئێستا بە قووڵایی ٨ کیلۆمەتر لە سنوورەکانەوە چوونەتە ناو خاکی لوبنانەوە.
لە تۆڕە کۆمەڵایەتیەکان شەیری بکە