4 رۆژ پێش ئێستا
242 جار خوێنراوەتەوە
ترەمپ هەڕەشەی بەئامانجگرتنی وێستگەكانی وزە لە ئێران دەكات
پەیام
دوای بەئامانجگرتنی پردێكی ستراتیژی لە وڵاتەكە، ترەمپ هەڕەشەی وێرانكردنی پرد و وێستگەكانی كارەبای ئێران دەكات و دەڵێت سوپای ئەمریكا هێشتا دەستی بە تێكشكاندنی ئەو وڵاتە نەكردووە.
بەرەبەیانی ئەمڕۆ هەینی لە ڕێگەی پلاتفۆرمی "تروس سۆشیاڵ"ـەوە دۆناڵد ترەمپ سەرۆكی ڕایگەیاند: "سوپای وڵاتەكەی هێشتا دەستی بە تێكشكاندنی ئەوە نەكردووە كە لە ئێراندا ماوەتەوە."
ئاماژەی بەوەش كرد كە هەنگاوی داهاتووی هێرشەكان بریتین لە پردەكان و پاشان وێستگەكانی بەرهەمهێنانی كارەبا.
هەروەها وتیشی: "سەركردایەتی ئێران دەزانێت چی پێویستە بكرێت و دەبێت بە خێراییش ئەنجامی بدەن."
ئەم لێدوانانەی ترەمپ دوای هێرشەكەی دوێنێ پێنجشەممەی سوپای ئەمریكا دێت بۆ سەر پردێك لە ناوچەی كەرەج لە باكووری تاران. ئەو پردە بە گەورەترین پردی ئێران و بەرزترینی سەر ئاستی ڕۆژهەڵاتی ناوەڕاست دادەنرا و پڕۆژەیەكی گرنگی نیشتمانیی تاران بوو.
لە تۆڕە کۆمەڵایەتیەکان شەیری بکە