08/05/2026
220 جار خوێنراوەتەوە
دەستەی دەستپاكی هەشت فەرمانبەری حكومیی لە نەجەف دەستگیر دەكات
پەیام
هەشت فەرمانبەری حكومیی لە نەجەف بە تۆمەتی زیانگەیاندن بە ئەنقەست بە بەرژەوەندی وڵات و سەرپێچیی یاسایی بۆ بەرژەوەندی كەسی دەستگیر كران.
دەستەی دەستپاكی فیدڕاڵی لە نەجەف ڕایگەیاند: لە دوو ئۆپەراسیۆنی جیادا، هەشت فەرمانبەری دەستگیر كردووە، لە ئۆپەراسیۆنی یەكەمدا، یاریدەدەری بەڕێوەبەری شارەوانی و ڕووپێوێك دەستگیر كران، كە ویستوویانە زەوییەكی گرنگی دەوڵەت بەناوی كەسێكەوە تۆمار بكەن لەبری ئەوەی لە زیادكردنی ئاشكرادا بیفرۆشن!
لە لایەكی دیكەوە، شەش بەرپرس و فەرمانبەری لیژنەی كڕین لە كارگەی چیمەنتۆی نەجەف بە تۆمەتی كڕینی كەرەستەی بیناسازی بە بڕی 96 ملیۆن دینار بە نرخێكی زۆر گرانتر لە بازاڕ دەستگیر كران.
لە تۆڕە کۆمەڵایەتیەکان شەیری بکە