2 کاتژمێر پێش ئێستا
158 جار خوێنراوەتەوە
عێراق ڕۆژانە هەزار تانكەر نەوت لە ڕێگەی سووریاوە هەناردە دەكات
پەیام
ڕۆژانە نزیكەی هەزار تانكەری نەوتی عێراقی دەچنە ناو خاكی سووریا و بەغدا هەناردەكەی زیاد دەكات.
كۆمپانیای نەوتی سووریا ڕایگەیاند، ڕۆژانە لەنێوان 900 بۆ 1000 تانكەری نەوتی عێراقی لە ڕێگەی دەروازەكانی "تەنەف" و "یەعڕوبییە"وە دەچنە ناو خاكی سووریا. ئەم هەنگاوە هاوكاتە لەگەڵ پلانی عێراق بۆ زیادكردنی هەناردەی نەوتەكەی بۆ 50 هەزار بەرمیل لە ڕۆژێكدا لە ڕێگەی خاكی سووریاوە.
بەرپرسانی سووریا جەخت دەكەنەوە كە هەموو ئامادەكارییەكی لۆجیستی لە پاڵاوگەكانی بانیاس و حومس كراوە بۆ وەرگرتنی ئەو بڕە نەوتە.
ئەم گۆڕانكارییە ستراتیژییەی عێراق بۆ هەناردەكردنی نەوتەكەی، دوای ئەوە دێت كە بەهۆی ئاڵۆزییەكانی نێوان ئەمریكا و ئێران، ڕێڕەوی گەرووی هورمز تووشی پشێوی بووە.
عێراق دەیەوێت لەمەودوا ڕێڕەوەكانی هەناردەكردنی نەوتەكەی هەمەجۆر بكات و تەنانەت دوای كۆتاییهاتنی ئاڵۆزییەكانیش، سووریا وەك ڕێگەیەكی سەرەكی بەكاربهێنێت.
لای خۆشییەوە حكومەتی سووریا خەریكی فراوانكردنی ناوچەكانی كۆگاكردن و بەتاڵكردنی نەوتەكەیە لە بەندەری بانیاس بۆ ئەوەی زۆرترین بڕی نەوتی عێراقی لەوێوە ڕەوانەی بازاڕەكانی جیهان بكرێت.
لە تۆڕە کۆمەڵایەتیەکان شەیری بکە