پێش 3 هەفتە
465 جار خوێنراوەتەوە
مەكتەبی زانایانى کۆمەڵى دادگەریى سەردانی وەزیری ئەوقاف و یەكێتیی زانایانی ئایینی دەكات
پەیام
بۆ گفتوگۆ لەسەر ژمارەیەك پرسی پەیوەست بە زانایانی ئایینی و هاووڵاتیان، مەكتەبی زانایانی كۆمەڵی دادگەری سەردانی وەزیری ئەوقاف و یەكێتیی زانایانی ئایینیی كرد.
ئەمڕۆ دووشەممە (18/ 5/ 2026)، وەفدێكی باڵای مەكتەبی زانایانی كۆمەڵی دادگەریی كوردستان، بە سەرپەرشتیی د. یاسین حەسەن (بەرپرسی مەكتەب) و بە بەشداریی هەریەكە لە د. شاخەوان سیامەنسوری و، مامۆستا وریا زەڵمی و مامۆستا خدر خەتێیی (كارگێڕانی مەكتەب)، زنجیرەیەك سەردانی گرنگیان ئەنجام دا.
وەفدەكە سەردانی هەریەكە لە د. پشتیوان سادق (وەزیری ئەوقاف و كاروباری ئاینی) و، سكرتاریەتی گشتی یەكێتیی زانایانی ئایینیی ئیسلامیی كوردستانی كرد.
ئامانج لەم دیدار و بەسەركردنەوانە، گفتوگۆكردن بوو لەسەر پتەوكردنی زیاتری پەیوەندییە دووقۆڵییەكان، گۆڕینەوەی بیروڕا سەبارەت بە چۆنیەتی خزمەتكردنی زیاتری مامۆستایانی ئایینی، جەختكردنەوە لەسەر گرنگیی پەرەپێدانی فەرهەنگی پێكەوەژیان و بەهێزكردنی لایەنی خزمەتگوزاری بۆ گەل و نیشتمان.
لە تۆڕە کۆمەڵایەتیەکان شەیری بکە