یەكشەممە مووچەی مانگی شەشى فەرمانبەران و مامۆستایانی گرێبەست دابەشدەکرێت

پەیام  

وەزارەتی دارایی و ئابووری هەرێم بڕیاری دا لە ڕۆژی ‏یەكشەممە، 26ی تەمووزی 2026، دەست بە دابەشكردنی مووچەی مانگی ‏حوزەیرانی چەند توێژێكی جیاواز لە فەرمانبەران و مامۆستایان بكات و دەشڵێت ئەم ‏هەنگاوە لە چوارچێوەی ڕێكخستنی شایستە داراییەكانی فەرمانبەرانی هەرێمی ‏كوردستان جێبەجێ دەكرێت.

بەپێی ڕاگەیەندراوی فەرمی وەزارەتەكە، بڕیارەكە مامۆستایانی گرێبەست لە ‏هەردوو وەزارەتی پەروەردە و وەزارەتی خوێندنی باڵا و توێژینەوەی زانستی ‏دەگرێتەوە. بڕیارە لەو ڕێكەوتەوە شایستە داراییەكانی مانگی حوزەیرانیان ‏بۆ خەرج بكرێت و ڕێكارە بانكییەكان بۆ ئەو مەبەستە تەواو كراون.

هاوكات، پرۆسەی دابەشكردنی مووچە، ئەو فەرمانبەرانەش دەگرێتەوە كە لە ‏دوای 1ی تەممووزی 2024 بە شێوەی گرێبەست یان هەمیشەیی ‏لە دامەزراوەكانی حكومەت دامەزراون. 

شایستەی دارایی ئەم فەرمانبەرانە لەسەر ‏داهاتی ناوخۆی هەرێمی كوردستان دابین دەكرێت، كە هاوكات لەگەڵ مووچەی ‏مامۆستایانی گرێبەستدا دەست بە دابەشكردنی دەكرێت و سەرجەم میلاكەكان ‏دەگرێتەوە.