داهاتی ئەم هه‌فته‌یەی سلێمانی زیاترلە حەوت ملیارە و بەڕێژەیەکى زۆر کەمیکردووە

پەیام 
 
ماڵپه‌ڕی شه‌فافیه‌ت بڵاویكرده‌وه‌ كه‌ داهاتی ئەم هه‌فته‌یەی سلێمانی له‌ رۆژی 1ی‌ ئاب تا ئه‌مڕۆ 7 ئابی 2026، بڕی 7 ملیار و 567 ملیۆن و 216 هه‌زار و 446 دینار بووه‌، ئەوەش بەراورد بە هەفتەى ڕابردوو زیاتر له‌ سه‌دا 64 كه‌میكردووه‌.

ماڵپه‌ڕه‌كه‌ ئاماژه‌ی‌ به‌وه‌شداوه‌ كه‌ له‌و بڕه‌ 5 ملیار و 239 ملیۆن و 942 هه‌زار و 855 دیناری نه‌ختینه‌یه‌ كه‌ سه‌دا 69ی‌ كۆی‌ داهاته‌كه‌ ده‌كات، 2 ملیار و 327 ملیۆن و 273 هه‌زار و 591 دیناریشی به‌شێوه‌ی چه‌كه‌ كه‌ رێژه‌ی سه‌دا 31ی‌ داهاته‌كه‌ پێكده‌هێنێت.

 ئه‌مه‌ش ده‌ریده‌خات كه‌ داهاتی‌ ئه‌م هه‌فته‌یه‌ی‌ سلێمانی‌ و هه‌ڵه‌بجه‌ به‌راورد به‌ هه‌فته‌ی‌ پێشوو 13 ملیار دینار كه‌میكردووه‌ به‌ڕێژه‌ی‌ 64.597%.

به‌گوێره‌ی‌ ماڵپه‌ڕی‌ شه‌فافیه‌ت، ئێستا رۆژانه‌ سه‌رجه‌م داهاته‌ نانه‌وتییه‌كانی پارێزگاكانی سلێمانی و هه‌ڵه‌بجه‌ و هه‌ردوو ئیداره‌ی سه‌ربه‌خۆی گه‌رمیان و راپه‌ڕین له‌ ماڵپه‌ڕه‌كه‌ تۆمار ده‌كرێت و بڵاوده‌كرێته‌وه‌.

له‌ 15ی كانوونی یه‌كه‌می 2022 قوباد تاڵه‌بانی، جێگری سه‌رۆكى حکومەتى ماوەبەسەرچووى هه‌رێمی كوردستان پڕۆژه‌ی شه‌فافییه‌تی له‌باره‌ی داهات و خه‌رجی راگه‌یاند، به‌ڵام تائێستا پڕۆژه‌كه‌ نه‌توانراوه‌ لە سه‌رتاسه‌ری هه‌رێمی كوردستان بكرێت.