دوای 700 ڕۆژ لە هەڵبژاردن تاوەكو ئێستا پارتی و یەكێتی حكومەتی نوێیان پێكنەهێناوە

پەیام

ئەمڕۆ 20ی 9ی 2026، 700ڕۆژ بەسەر ئەنجامدانی هەڵبژاردنی پەرلەمانی کوردستان تێدەپەڕێت و تاوەكو ئێستا كابینەی نوێی حكومەتی هەرێم پێكنەهێنراوە و دیاریش نییە كەی پێكدەهێنرێت.

ڕۆژی  20ى ١٠ی 2024 بنکەکانی دەنگدان بۆ هەڵبژاردنی خولی شەشەمی پەرلەمانی کوردستان کرانەوە و پرۆسەی دەنگدانی گشتی دەستیپێکرد، دوای نزیكەی دوو ساڵ لەو وادەیە تائێستا پارتی و یەكێتی كابینەی دەی حكومەتی هەرێمی كوردستانیان پێكنەهێناوە.

سەرباری پێكنەهێنانی كابینەی نوێی حكومەتی هەرێم، ئەندامانی پەرلەمانی كوردستان نزیكەی 24 مانگە مووچە دەخۆن بێئەوەی دەوامیان كردبێت و یاسایەكیان تێپەڕاندبێت، یاخود كارێكیان لە بەرژەوەندی هاوڵاتییان ئەنجامدابێت.