فڕۆکەکەی نەتەنیاهوو خۆی له‌ ئاسمانیی نیویۆرک پاراستووه‌

په‌یام
سەرچاوەیەکی ڕۆژنامەوانی ئیسڕائیلی ئاشکرای کرد، لە ترسی بریاری دەستگیرکردن لەلایەن سەرۆکی شارەوانیی نیویۆرکەوە، فڕۆکەکەی بنیامین نەتەنیاهوو لەو شارەدا نانیشێتەوە و لە فڕۆکەخانەیەکی نیوجێرسی دادەبەزێت. 
ڕۆژنامەی «یەدیعۆت ئەحرۆنۆت»ی ئیسرائیلی بڵاویکردەوە، نەتەنیاهوو بڕیاریداوە سەردانەکەی بۆ پێشکەشکردنی وتار لە نەتەوە یەکگرتووەکان بە شێوەیەکی بەرچاو کورت بکاتەوە و شەو لەوێ نەمێنێتەوە، ئەوەش لە ئەنجامی ترسی پێداگریی زەهران مەمدانی، سەرۆکی شارەوانیی نیویۆرک لەسەر دەستگیرکردنی؛ بەپێی ڕاپۆرتەکە. 
ڕۆژنامەی «یەدیعۆت ئەحرۆنۆت» ئاشکرای کرد، لە ترسی فەرمان و ڕێکارەکانی سەرۆکی شارەوانیی نیویۆرک، بڕیاردراوە فڕۆکەکەی بنیامین نەتەنیاهوو لەبری فڕۆکەخانەی نێودەوڵەتیی جۆن ئێف کێنێدی لە نیویۆرک، لە فڕۆکەخانەیەکی سەربازی لە نیوجێرسی یان لە فڕۆکەخانەی نێوارک بنیشێتەوە. 
سەرچاوەکان ئاماژەیان بەوەش کردووە کە لە پاڵ مەترسیی بڕیارەکەی مەمدانی و دۆسیەی دادگای تاوان، ترسی بەرپابوونی ناڕەزایەتی و خۆپێشاندانی بەرفراوان هۆکارێکی دیکەی کورتکردنەوەی ئەم گەشتە بووە.