كه‌شتییه‌كی گواستنه‌وه‌ی كۆنتێنه‌ر له‌ گه‌رووی هورمز پێكرا

دەستەی ئۆپەراسیۆنە بازرگانییە دەریاییەکانی بەریتانیا ڕایگەیاند، کەشتییەکی گواستنەوەی کۆنتێنەر لە کاتی تێپەڕبوونی بە گه‌رووی هورمزدا بە ئامانجێکی نەناسراو پێکراوە، بەڵام توانێویەتی بەبێ زیانی گیانی درێژە بە گەشتەکەی بدات. 
بەپێی زانیارییەکانی دەستەکە، راپۆرتیان پێگەیشتووە دەربارەی ڕوودانی پێشهاتێکی ئەمنی لە ناوچەی سەرەکیی تەنگەی هورمز، کە تێیدا کەشتییەکی بارهەڵگر ڕووبەڕووی هێرش بووەتەوە. 
کەشتییە بەئامانجکراوەکە ئاشکرای کردووە کە بەهۆی پێکانەکەوە تەنیا زیانی ماددیی بچووکی پێگەیشتووە و هیچ کەسێک لە ستافەکەی بریندار نەبوون، بەو هۆیەوە توانیوێتی بە سەلامەتی بەرەو ئامانجەکەی بەردەوام بێت.