جووتیارانی باڵەكایەتی: داواكارین لە فرۆشتنی بەرهەمەكانمان لە چۆمان ڕێگریمان لێنەكرێت

پەیام 

دوای ئەوەی ڕۆژی هەینییش بە هەمان شێوە ناڕەزایەتییان دەربڕی، ئەمڕۆش، جارێكی دیكە جووتیارانی دەڤەری باڵەكایەتی لە قەزای چۆمان بەهۆی ساغنەبوونەوەی بەرهەمەكانیان، بەتایبەت تەماتە، گرد بوونەوە و دەستیان لە كار هەڵگرت.

جووتیارانی ناوچەكە لە كۆنگرەیەكی ڕۆژنامەوانییدا ڕایانگەیاند: پێویستە حكومەت هاوكار بێت بۆ ئەوەی بتوانین بە ئاسانی بەرهەمەكانمان لە ناوچەی چۆماندا ساغ بكەینەوە.

جووتیاران دەڵێن: بازرگانەكان ئامادەن لەو ناوچەیەی خۆماندا بەرهەمەكانمان لێ بكڕنەوە، ‌بەڵام حكوومەت و گومرگی سۆران ڕێگری دەكەن.

وەك هەڵوێستێكی كردەییش، جووتیاران ئەمڕۆ بایكۆتی ڕنینی تەماتەكانیان كرد و ڕایانگەیاند: تا ئەو كاتەشی حكوومەت بە دەم داواكارییەكانمانەوە دێن، لە ناڕەزایەتی بەردەوام دەبین.