لە کۆیە ماڵێک بەهۆی شەحنی مۆبایلەوە سووتا

پەیام 

ئاگرێك لە ماڵێك لە قەزای كۆیە كەوتەوە و بەرگری شارستانی هۆكاری ئاگركەوتنەوەكەی بۆ شەحنی مۆبایل گەڕاندەوە.

بەڕێوەبەرایەتی بەرگریی شارستانیی كۆیە بڵاوی كردەوە: بەیانی ئەمڕۆ لە ڕووداوێكی كەوتنەوەی ئاگر لەنێو ماڵێك ئاگادار كراینەوە، تیمەكانیان گەیشتنە شوێنی ڕووداوەكە و لەكاتێكی پێوانەییدا توانیان بەشێكی ماڵەكە لە سووتان ڕزگار بكەن و كۆنترۆڵی ئاگرەكە بكەن.

بەرگریی شارستانیی كۆیە دەڵێت: ئاگركەوتنەوەكە زیانی گیانی نەبووە و ڕێگری لە تەشەنەسەندنی كراوە، بەپێی لێكۆڵینەوە سەرەتاییەكان هۆكاری ڕووداوەكە سوتانی ماڵەكە بۆ شەحنی مۆبایل دەگەڕێتەوە.

هۆشداری ئەوەش دراوە كردنی شەحنی مۆبایل بە كارەباوە و جێهێشتنی بۆماوەیەكی درێژ و بەبێ چاودێری، مەترسیی گەرمبوون و شۆرتی کارەبا و لە هەندێک حاڵەتدا ئاگركەوتنەوە دروست دەکات.