پێش 2 هەفتە
245 جار خوێنراوەتەوە
لە چوار هەزار منداڵی ئۆتیزم لە هەرێم، تەنیا 310ـیان هاوكاری وەردەگرن
پەیام
لە كۆی نزیكەی چوار هەزار منداڵی ئۆتیزم لە هەرێمی كوردستان، تەنیا 310ـیان هاوكاری وەردەگرن.
ئەمڕۆ شەممە، لە ڕێوڕەسمی كردنەوەی سەنتەری نێودەوڵەتیی (كاد) بۆ ئۆتیزم لە شاری سلێمانی، كوێستان محەممەد، وەزیری كار و كاروباری كۆمەڵایەتیی هەرێمی كوردستان ڕایگەیاند: لە كۆی 3 هەزار و 927 منداڵی ئۆتیزم لە هەرێمی كوردستان، ئێستا هەزار و 756 منداڵ لە سەنتەرەكاندا راهێنانیان پێ دەكرێـت، بەڵام تەنیا 310 منداڵیان هاوكاریی دارایی مانگانە وەردەگرن.
ئەو وتیشی: پشكنینمان بۆ منداڵەكانی دیكەش كردووە و ناوەكانیانمان ناردووە بۆ هەر دوو وەزارەتی دارایی و كاروباری كۆمەڵایەتیی فیدڕاڵ تا مووچەیان بۆ دابین بكرێت.
وەزیری كار و كاروباری كۆمەڵایەتیی هەرێم جەختیشی لە پاراستنی ماف و سەلامەتی منداڵانی تووشبووی ئۆتیزم و دابینکردنی ژینگەیەکی گونجاو بۆ گەشە و پێشکەوتنیان کردەوە.
لە تۆڕە کۆمەڵایەتیەکان شەیری بکە