1 کاتژمێر پێش ئێستا
95 جار خوێنراوەتەوە
كەشناسی عێراق پێشبینی باران و نزمبوونەوەی پلەكانی گەرما دەكات
پەیام
كەشناسی عێراق پێشبینیەكانی بۆ دۆخی كەشوهەوا بۆ چەند ڕۆژی داهاتوو بڵاوكردەوە و دەڵێت: لە ڕۆژانی داهاتوودا باران دەبارێت و پلەكانی گەرما نزم دەبنەوە.
كەشناسی عێراق لە ڕاگەیەنراوێكدا بڵاویكردەوە: سبەی یەكشەممە ئاسمان هەور دەبێت و ئەگەری نمەباران لە ناوچەكانی ڕۆژئاوا و باكوور هەیە و پلەكانی گەرماش كەمێك بەرزدەبنەوە.
باسی لەوەشكرد بەرزترین پلەی گەرما لە 16 پارێزگا لە خوار 40 پلەی سەدییەوە دەبێت، رۆژی دووشەممەش ئاسمان هەور دەبێت و بارانی پچڕپچڕ ناوچەكانی ناوەڕاست و باكوور دەگرێتەوە.
كەشناسیی هەرێمیش بڵاوكردەوە، ئەمڕۆ نمە باران لە هەندێ کاتدا بە تایبەتی لە ناوچە شاخاویەکان بەردەوام دەبێت. پلەی گەرمای زۆربەی ناوچەكانیش لە سەرووی 20 پلەوە دەبێت تەنها گەرمیان 33 پلە دەبێت.
لە تۆڕە کۆمەڵایەتیەکان شەیری بکە