وەزیری ناوخۆی فەرەنسا: ناڕەزایی مافێكی بنەڕەتییە، بەڵام بێ ئاژاوە و توندوتیژی

پەیام

لە ئاكامی خۆپیشاندانەكانی ڕۆژی ڕابردووی فەڕەنسادا دوو هەزار كەس دەستگیر كران، وەزیری ناوخۆش دەڵێت "ناڕەزایی مافێكی بنەڕەتییە، بەڵام بێ ئاژاوە و توندوتیژی ئەنجامبدرێت".

لۆران نونێز وەزیری ناوخۆی فەرەنسا ئەمڕۆ ڕایگەیاند: لە میانی ناڕەزایەتی "بزاوتی ئێلەك زەردەكان" دژ بە گرانی و بەرزبوونەوەی نرخی سووتەمەنی، زیاتر لە دوو هەزار كەس دەستگیر كراون و زیاتر لە 600 ئەندامی هێزە ئەمنییەكان و ئاگركوژێنەوەش بریندار بوون.

لۆران نونێز لە پۆستێكدا لە پلاتفۆڕمی ئێكس نووسی: ناڕەزایەتی مافێكی بنەڕەتییە، بەڵام نابێت ببێتە پاساو بۆ ئاژاوە و توندوتیژی ڕێكخراو.

ئەو هەزاران چالاكی چەپی توندڕەوی بە بەشداری لە كردەوەی توندوتیژی تۆمەتبار كرد كە باڵەخانە گشتییەكان دەكەنە ئامانج و لەگەڵ هێزە ئەمنییەكان ڕووبەڕوو دەبنەوە.

ناڕەزایەتییەكانی ئێلەك زەردەكان لە فەڕەنسا بۆ یەكەمجار لە نێوەڕاستی مانگی 11ی ساڵی 2018 و لە بەرانبەر بەرزبوونەوەی نرخی سووتەمەنی و خراپی بارودۆخی ئابووری دەستی پێكرد و دواتر بۆ ناڕەزایەتی دژی سیاسەتە كۆمەڵایەتی و ئابوورییەكانی سەرۆكی وڵات پەرەی سەند.

ئەمەو ڕۆژی ڕابردووش سەدان هەزار كەس لە پاریس و چەند و ناوچەی دیكەی فەڕەنسا بە هەمان شێوە دژ بە گرانی دۆخی ژیان و بەرزبوونەوەی نرخی سووتەمەنی ڕژانە سەر شەقامەكان.