لافاو لە گوندەكانی سەڵماس سێ كەسی خنكاند و دووانی دیكەشی برینداركرد

پەیام 

بەهۆی لافاو لە قەزای سەڵماس-ی رۆژهەڵاتی كوردستان، سێ كەس خنكان.

بەهۆی بارانبارینی بەخوڕ و دروستبوونی لافاو لە سنووری قەزای سەڵماس لە پارێزگای ئازەربایجانی ڕۆژئاوا كە ناوەندەكەی شاری ورمێی ڕۆژهەڵاتی كوردستانە، سێ كەس گیانیان لەدەست دا و دوو كەسی دیكەش بریندار بوون.

حەمید مەحبووبی، بەڕێوەبەری مانگی سووری پارێزگاكە رایگەیاند: قوربانییەكان كچێكی تەمەن 10 ساڵان و پیاوێكی 63 ساڵانن كە ئۆتۆمبێلەكەیان كەوتووەتە نێو لافاوەكە، تەرمی سێیەمیش دوای 14 كاتژمێر گەڕان لە دووریی 8 كیلۆمەتر دۆزرایەوە.

وتیشی: لافاوەكە لە پێنج گوند زیانی بە 17 ماڵ گەیاندووە كە 78 كەسیان تێدا نیشتەجێیە.