57 خولەک پێش ئێستا
24 جار خوێنراوەتەوە
ئێران هەواڵگریی بەریتانیا و هێزە دەریایی و ئاسمانییەكانی خستە لیستی تیرۆرەوە
پەیام
وەزارەتی دەرەوەی ئێران
دەزگای هەواڵگریی دەرەكیی بەریتانیا (ئێم ئای 6) ی وەك قەوارەیەكی دوژمنكار و هێزەكانی
دەریایی و ئاسمانیی شاهانەی ئەو وڵاتەی وەك ڕێكخراوی تیرۆریستی پۆلێن كرد.
بەپێی ڕاگەیەنراوێكی فەرمیی
وەزارەتی دەرەوەی ئێران و لەسەر بنەمای بڕیاری
ئەنجوومەنی باڵای ئاسایشی نەتەوەیی، تاران دەزگای هەواڵگریی بەریتانیا (ئێم ئای 6)
ی خستە لیستی گرووپە دوژمنكارەكان، هاوكات لە یەكی ئەم مانگەوە هێزی دەریایی شاهانە
و هێزی ئاسمانیی شاهانەی بەریتانیای خستە لیستی ڕێكخراوە تیرۆریستییەكانەوە.
وەزارەتی دەرەوە سیاسەتەكانی
لەندەنی بە پێشێلكردنی پەیماننامەی نەتەوە یەكگرتووەكان و بنەماكانی سەروەریی خاكی
ئێران لەقەڵەم دا، جەختیشی كردەوە كە حكوومەتی بەریتانیا بەرپرسیارێتیی تەواوی دەرەنجامی
ئەم بڕیارانەی لە ئەستۆدایە.
ئەم بڕیارەی ئێران وەك
وەڵامێكە بۆ هاوكارییە سەربازی و لۆجستییەكانی بەریتانیا بۆ ئەمریكا و قەوارەی ئیسرائیل
لە هێرشەكانیاندا بۆ سەر ئێران لە ڕێگەی بنكە سەربازییەكانیەوە، هەروەها بڕیاری لەندەن
بۆ خستنەژێرباری سوپای پاسداران لە چوارچێوەی یاسای هەڕەشە حكوومییەكاندا.
لە تۆڕە کۆمەڵایەتیەکان شەیری بکە