31/05/2025
307 جار خوێنراوەتەوە
سەرۆكوەزیران و سەرۆككۆمار جەختیان لە چارەسەری ڕیشەیی بۆ پابەندییە داراییەكانی هەرێم كردەوە
پەیام
سەرۆكوەزیران و سەرۆككۆماری عێراق كۆبوونەوە و بەپێی ڕاگەیەنراوی فەڕمی جەختیان لە دۆزینەوەی چارەسەری ڕیشەیی بۆ پابەندییە داراییەكانی حكومەتی ماوەبەسەرچووی هەرێم و حكومەتی فیدڕاڵ كردەوە.
لە ڕاگەیەنراوێكدا، نووسینگەی میدیایی سەرۆكوەزیرانی عێراق بڵاویكردەوە "محەمەد شیاع سودانی سەرۆكوەزیران پێشوازی لە عەبدوللەتیف جەمال ڕەشید سەرۆككۆمار كرد و دۆخی گشتی وڵات و پێشهاتە سیاسی و ئابوورییەكان و چۆنێتی بەرێوەچوونی بەرنامەی حكومەت تاووتوێ كران".
لە ڕاگەیەنراوەكەدا هاتووە: لە دیدارەكەدا جەخت لە گرنگیی دۆزینەوەی چارەسەرێكی ڕیشەیی لە چوارچێوەی دەستوور و یاسادا لەبارەی پابەندییە داراییەكانی حكومەتی فیدڕاڵ و هەرێم لە میانی هەنگاوەكان بەپێی دەستوور و یاسای بوجە و بڕیاری دادگای فیدڕاڵی، كرایەوە.
بەپێی ڕاگەیەنراوەكە لە دیدارەكەدا جەختیش لە گرنگی دەركردنی بڕیاری نەوت و غاز كراوەتەوە و جەختیش لە گرنگیی یەكڕیزی نیشتمانی بە مەبەستی پتەوكردنی سەقامگیریی ئەمنی و كۆمەلایەتی لە سەرانسەری وڵات و هەروەها ئاماەكارییەكان بۆ ئەنجامدانی هەڵبژاردنی داهاتووی ئەنجوومەنی نوێنەران كرایەوە.
لە تۆڕە کۆمەڵایەتیەکان شەیری بکە