ئێران داوای گرەنتیی هەڵگرتنی سزا ئابوورییەكان لە ئەمریكا دەكات

پەیام 

ئێران لەبارەی پرسی ئەتۆمیی و ڕێكەوتنەكانەوە داوای هەڵگرتنی سزا ئابورییەكان دەكات كە لەلایەن ئەمریكاوە سەپێندراوە بەسەریدا.

ئیسماعیل بەقائی، وتەبێژی وەزارەتی دەرەوەی ئێران، لە كۆنگرەی هەفتانەیدا رایگەیاند، ئێران گرەنتی ئەوەی دەوێت كە لەلایەن ئەمریكاوە سزاكان لا دەبرێن، ئەوەش پرسێكە هێشتا شاندی ئەمریكی و بەرپرسانی باڵای ئەو وڵاتە ڕوونیان نەكردوەتەوە.

ئەمە لەكاتێكدایە پێنج گەڕی دانوستانەكانی نێوان ئەمریكا و ئێران لە بارەی پرسی ئەتۆمیی تارانەوە بەڕێوەچووە و ئێران داوای كردووە سزاكانی سەری لاببرێن، لەكاتێكدا لایەنی ئەمریكی داوای كردووە ئاستی بەرهەمهێنانی یۆرانیۆم بۆ سفر دابەزێندرێت.

ستیف ویتكۆف، نوێنەری تایبەتی سەرۆكی ئەمریكا بۆ ڕۆژهەڵاتی ناوەڕاست رایگەیاندووە، ئیدارەی كۆشكی سپی دژی پیتاندنی یۆرانیۆمە لەلایەن ئێرانەوە، ئەوە پرسێكە بەلای ئەمریكاوە هێڵی سوورە.