08/12/2025
369 جار خوێنراوەتەوە
توركیا: دەكرێت دیمەشق و هەسەدە لەبارەی بەڕێوەبردنی خۆجێییەوە بگەنە ڕێككەوتن
پەیام
وەزیری دەرەوەی توركیا لەبارەی هەسەدەوە ڕایگەیاند، ناكرێت دوو سوپا لە یەك وڵاتدا هەبێت، بەڵام دەكرێ ڕێككەوتن لەبارەی بەڕێوەبردنی خۆجێییەوە بكرێت.
هاكان فیدان لە قەتەڕ قسەی بۆ ئاژانسی ڕۆیتەرز كردووە و ڕایگەیاندووە، حكومەتی كاتیی سووریا هەنگاوی بۆ یەكڕیزیی نیشتیمانی و چارەسەری كێشەی كەمینەكان ماوە، بەڵام تا ئێستا كێشەی پێكهاتە و كەمینەكان چارەسەر نەبووە و سیاسەتی ئیسرائیل بۆ "تێكدانی سەقامگیریی ناوچەكە" ڕێگرە لەبەردەم چارەسەردا.
هاكان فیدان دەڵێت: هیچ ئاماژەیەك نییە بۆ ئەوەی هەسەدە پابەند بێت بە ڕێككەوتننامەی 10ی ئادارەوە لەگەڵ دیمەشق و ئامادە بێت هێزەكەی تێكەڵ بە سوپای سووریا بكات.
وەزیری دەرەوەی توركیا ڕاشیگەیاندووە: ناكرێت لە هیچ وڵاتێكدا دوو سوپا هەبێت بەڵام دەكرێ هەسەدە و حكومەت دیمەشق لەبارەی بەڕێوەبردنی خۆجێیی و ئیدارەدانی ناوچەكانەوە، بگەنە ڕێككەوتنی جیاواز؟
لە تۆڕە کۆمەڵایەتیەکان شەیری بکە