ترەمپ: ئێران رێككەوتن نەكات هەموو شتێك لەدەستدەدات

پەیام

دۆناڵد ترەمپ، سەرۆكی ئەمریكا هۆشداری دەداتە ئێران رایدەگەیەنێت دەبێت ئەو وڵاتە رێككەوتنی ئەتۆمی بكات بەرلەوەی هەموو شتێك لەدەست بدات.

راشیگەیاند: چانس لە دوای چانسم دا بە ئێران بۆ گەیشتن بە رێككەوتن. بە بەهێزترین گوزارشت پێم وتن: "تەنیا ئەمە بكەن"، بەڵام هەرچەندە كۆشایان و هەرچەندە نزیك بونەوە نەیانتوانی بیكەن."

ترەمپ وتوشیەتی "پێموتن دۆخەكە زۆر خراپتر دەبێت لەوەی كە دەیزانن یان چاوەڕوانی دەكەن یان پێتان وتراوە، ئەمریكا باشترین و مەترسیدارترین كەرەستەی سەربازی لە جیهاندا دروست دەكات و بێڕكابەرە، ئیسرائیل زۆرێك لەو چەكانەی ئێمەی هەن، زیاتریشی دەدرێتێ و ئەوان دەزانن بەكاریان بهێنن".

سەرۆكی ئەمریكا وتوشیەتی "هەندێك لە توندڕەوانی ئێرانی ئازایانە قسەیان دەكرد، بەڵام نەیاندەزانی چی رودەدات. ئەوەتا هەمویان كوژران".

ترەمپ هۆشداریشی داوەو رایگەیاندوە "دۆخەكە زۆر خراپتر دەبێت، بەڕاستی كوشتن و وێرانبونێكی زۆرمان بینی، بەڵام هێشتا كات ماوە بۆ كۆتاییهێنان بەم كوشتارگەیە، دۆخەكە بەو پلانەی كە بۆ هێرشەكانی داهاتوو دانراوە زیاتر دڕاندانە دەبێت. دەبێت ئێران رێككەوتن بكات بەرلەوەی هەموو شتێك لەدەست بدات و ئەو شتە رزگاربكات كە پێشتر بە ئیمپراتۆریەتی ئێرانی دەناسرا. با كوشتنی زیاتر و وێرانەی زیاتر رونەدات، تەنیا ئەوە بكەن بەرلەوەی كار لەكار بترازێت".