18 کاتژمێر پێش ئێستا
134 جار خوێنراوەتەوە
ئەردۆغان: هێرشەكانی سەر ئێران ئاژاوەگێڕی و دەستدرێژیی حكومەتەکەی نەتەنیاهۆیە
پەیام
سەرۆككۆماری توركیا ِرایدەگەیەنێت: هێرشەكانی قەوارەی زایۆنی ئاژاوەگێڕییەكی ئاشكرایە و بێباكی و دەستدرێژیی حكومەتەكەی نەتەنیاهووە.
ڕەجەب تەیب ئەردۆغان، سەرۆككۆماری توركیا ڕایگەیاند: ئەم هێرشە قێزەونانە بۆ سەر ئێرانی دراوسێمان سەركۆنە دەكەین و ئەم هێرشانە، كە لە كاتێكدا ئەنجامدراون كە گفتوگۆكان سەبارەت بە بەرنامە ئەتۆمییەكەی ئێران چڕبوونەتەوە و فشارە نێودەوڵەتییەكان دژی كردەوە نامرۆڤانەكانی بەرامبەر غەززە زیادیان كردووە، عەقڵییەتی یاساشكێنیی ئیسرائیل نیشان دەدەن و ئاژاوەگێڕییەكی ئاشكرایە.
ئەردۆغان ڕایگەیاندووە: حكومەتی نەتەنیاهوو بە كردەوە بێباك و دەستدرێژكارانە و یاساشكێنەكانییەوە، هەوڵدەدات ناوچەكەمان و هەموو جیهان بەرەو كارەسات رابكێشێت. هەر بۆیە پێویستە كۆمەڵگەی نێودەوڵەتی سنوورێك بۆ ئەم چەتەگەرییەی ئیسرائیل دابنێت كە سەقامگیریی جیهان دەخاتە مەترسییەوە.
سەرۆككۆماری توركیا لە پەیامەكەیدا ڕاشیگەیاندووە: دەبێت بە دڵنیاییەوە رێگری لە هێرشەكانی نەتەنیاهوو و تۆڕە كۆمەڵكوژەكەی بكرێت كە هەموو ناوچەكەمان دەخەنە ناو ئاگرەوە.
لە تۆڕە کۆمەڵایەتیەکان شەیری بکە