لە ئەگەری لێدانی كورە ئەتۆمییەكانی ئێران تیشكدانەوەی ئەتۆمی لە عێراق بەدوور دەزانرێت

پەیام 

دەستەی نیشتمانی چاودێری ئەتۆمیی و تیشكدانەوە و كیمیایی و بایۆلۆجی عێراقی بەدووری زانی تیشكدانەوەی ئەتۆمیی هەبێت، لە ئەگەری خاپووركردنی وێستگە ئەتۆمییەكانی ئێران لەلایەن قەوارەی زایۆنییەوە، ئاماژەی بەوەشدا، ئامێری ئاشكراكردنی تیشكی لەسەرجەم پارێزگاكانی عێراق هەیە. 

فازڵ حاوی مزبان سەرۆكی دەستەكە و سەرۆكی ژوری ئۆپرسیۆنە ناوەندییەكان بۆ قریاكەوتنی تیشكدانەوە و ئەتۆمیی ڕایگەیاند: ئامانجی قەوارەی زایۆنی خاپووركردنی بەرنامەی ئەتۆمی ئێرانە، بە تایبەتی هەردوو دامەزراوە نەتەنز و فۆردۆ بۆ پیتاندنی یۆرانیۆن بۆ ئاستێكی بەرز، وتیشی: خاپووركردنی هەر دامەزراوە و باڵەخانەیەكی ئەتۆمیی، كە لە قوڵایی زۆردا بن، شوێنێكی سەلامەتن بۆ هەر مەترسییەكی تیشكدانەوە. 

فازڵ حاوی وتیشی: یۆرانیۆم لەم بارودۆخەی ئێستایدا تیشكدانەوەی نییە، لەبەرئەوە هیچ مەترسییەكی بۆ دەركردنی تیشك نییە، جەختیشی كردەوە، حاڵەتەكە بە تەواوی جیاوازە لە حاڵەتەكانی فۆكۆشیما و چێرنۆبڵ، كە بۆ ماوەی چەندین ساڵ كورەكانیان كاری دەكرد. 

فازڵ حاوی جەختیشی كردەوە، لە ئەگەری لێدانی كورە ئەتۆمییەكانی ئێران هیچ مەترسییەك نییە، لەبەرئەوەی یۆرانیۆمی تیشكدەری تێدا نییە، وتیشی: ئامێری ئاشكراكردنی تیشكمان لەسەرجەم پارێزگاكانی عێراق هەیە و بەشێوەی خولی خوێندنەوە بۆ هەر بەرزبوونەوەیەك لە تیشكدانەوە دەكەین.